Schnitzelbängg 2026
nous sommes venu ici pour quelque chose à rire,
wenn Ihr das nit verstande hän, no isch‘s comme çi - comme ça -
hän Ihr allem Aschyyn a kai Friehfranzeesisch gha…
© Fäldschnäggli '26
jede will dä Kääs - in sim Caquelon ha,
als näggschts kunnt denn sicher - s’wär nit paradox -
em Nati-Trainer Muri si Yakin-Döner-Box…
© Fäldschnäggli '26
will vo Baselland will jo niemerts deert studiere,
doch me het jo gseh, wo das denn anefiehrt -
bi dr Bangg Radicant het sicher kain studiert…
© Fäldschnäggli '26
und amene Zoll isch nit alles wundervoll,
immerhin kasch gege Tollwuet e Tollwuetimpfig näh -
und em Trömbb sott me vilicht mol e Zollwuetimpfig gäh…
© Fäldschnäggli '26
dr Tauli und dr Granit veraint im Joggeli,
dr ainti Xhaka goht und scho bald, es isch eso -
isch dr ander Xhaka no ganz lang nonig do…
© Fäldschnäggli '26
anschinend het do aine richtig z’blaudere agfange,
är het so vil Weerter in sich und brucht das als Ventil -
wär kennt’s anders si als dr Dani vo Wattewyl…
© Fäldschnäggli '26
das wirft Froge uf, mir hän ihm delifoniert,
doch erraiche mir ihn nit, mir warte stundelang -
jä, im Trömbb sim Arsch, do hesch halt kai Empfang…
© Fäldschnäggli '26
im Louvre z’Paris - die Kronjuwele gstoole,
warum mir das gmacht hän - es isch halt biz dumm gloffe -
mir hän z’Birsfälde no baar Durchfahrtsbuesse offe…
© Fäldschnäggli '26
die Hiener, die sin billig und mit Chlor desinfiziert,
dr Vordail, wenn spot am Obe so e Chlorhuen issisch -
isch‘s egal, wenn denn drnoo s’Zähnbutze vergissisch…
© Fäldschnäggli '26
kriegsch so wie Kinder ussehendi Sex-Bubbe,
doch me kriegt se nimm, dr Handel isch sischtiert -
es sin schyyns scho alli vom Brinz Andrew reserviert…
© Fäldschnäggli '26
Jä, e Buech dien mir lääse und e Grytzworträtsel löse,
Whatsapp-schrybe, delifoniere und e bizli döse,
no e Liedli singe und s‘Internet durqueere -
denn goht si ändlig uffe, die Drämmli-Barriere…
© Fäldschnäggli '26 Version Basel:
Jä, e Buech dien mir lääse und e Grytzworträtsel leese,
Whatsapp-schrybe, delifoniere und e bizli deese,
e Liedli singe und mit em Byfahrer schnuure -
denn simmer ändlig dur e Schwarzwaldtunnel duure…
© Fäldschnäggli '26
will‘s eso jo au immer weniger Zircher git,
drum miesst me jetzt doch wirklig au dryber nochedängge -
wie me die Rate au bi de Schwobe kennti sängge…
© Fäldschnäggli '26
Jä, mit em Schmassmaa uf dr Gmaini, isch es jetzt verby,
är wäggslet in die lokal Gaschtronomie,
die baide Wälte dien zimmlig usenanderklaffe -
är muess sich zerscht dra gwehne, wenn-um-ihn-umme d‘Lyt dien schaffe…
© Fäldschnäggli '26
Jä, nur ai Baiz längt ihm nit - är het jetzt au e Zwaiti,
diversifiziert so vorbildlig au in d’Braiti,
wenn är denn mol me Zyt het und nit ständig muess Schmuuse -
kriegt är au no d‘Grandits usem Schlüssel uuse…
© Fäldschnäggli '26
(Melodie vom Löschzug Chörli Interlake - Mier si vo der Füürwehr)
Jä, s’isch do bi uns, was fascht kaine glaubt,
laider vil verbotte und nimme vil erlaubt,
doch s’git Verbott, wo fähle, mir Eych z’bedängge gän -
drum sage mir Eych jetzt, was mir no verbiete wän…
S’wird jede Samschtig demonstriert
und dr Drammverkehr blockiert… Verbotte! Das gheert verbotte!
Dr Trump, dä goht am WEF z’Davos
uf d’Karin-Käller-Suter los… Verbotte! Das gheert verbotte!
D‘WM imne Schurggestaat
und Vegi-Wurscht im Wurschtsalat… Verbotte! Das gheert verbotte!
Gege Fraue darfsch nyt sage
sunscht goht’s ys dehai an Krage… Verbotte! Das gheert verbotte!
D’SBB bstellt z’spot am Obe
neyi Zyyg jetzt bi de Schwoobe… Verbotte! Das gheert verbotte!
Unsri Luune duet‘s verdärbe
das konschtante Baizestärbe… Verbotte! Das gheert verbotte!
E Bildli us dr KI gholt
statt e scheene Helge gmoolt… Verbotte! Das gheert verbotte!
Die bleede Kampfjets fir d’Armee
koschte immer me und me… Verbotte! Das gheert verbotte!
Ständig stygt - s’isch nit zem Schbasse
d’Brämie vo dr Granggekasse… Verbotte! Das gheert verbotte!
Statt fir e härzig Menschekind
e Buschiwaage nur fir Hind… Verbotte! Das gheert verbotte!
Elektrodeff sin e Tortur
s’het jede druf di glich Frisur… Verbotte! Das gheert verbotte!
Die Hyyser do in Aesch-bi-Gott
pfiffe ständig zimmlig flott… Verbotte! Das gheert verbotte!
Dr Nemo singt am ESC
s’macht ys in de Auge weh… Verbotte! Das gheert verbotte!
Dr Broschinski, das muesch gseh
schiesst kai Goal bim FCB… Verbotte! Das gheert verbotte!
Das Joor isch’s fascht opportun
Maischter wird dr FC Thun… Verbotte! Das gheert verbotte!
Jä, mir sage Adie, will mir wyter sotte -
d’Pointe, die git’s nit, die het me ys verbotte…!
© Fäldschnäggli '26
D'Helge het gmolt d' Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!