Bängg 2008

Schnitzelbängg 2008

Jä, Sie – äh – s’isch – äh – dings – äh – per se,
und denn – äh – also – äh – mir – ojemine,
so laid – äh – duet – äh – mir – äh – hän Mieh –
fyr uns – äh – aha – isch d’Fasnacht das Joor z’frieh…
© Fäldschnäggli `08

Jä, unseri Ozeän die wärde langsam drogge,
in dr Wieschti rägnet's däglig, es haut ys us de Sogge,
am Nordpol wachse Palme, är wird zer Oase –
…und s'schneielet und beielet in dr Hingis ihrer Nase…
© Fäldschnäggli `08

Version Oberwil:
Jä, dr Mohler Ruedi hert jetzt uf…
Juppi, juppi juppi, juppi, heissa, heissa – he!
yber Di, singe mir nie me…
© Fäldschnäggli `08

Version Basel:
Jä, dr Lewin und d’Schneidere here jetzt uf…
Juppi, juppi juppi, juppi, heissa, heissa – he!
yber Eych, singe mir nie me…
© Fäldschnäggli `08

Jä, mir hoffe's schwer und d'Chance die schtehn guet,
dass unsri Kinder au mol Bänggle dien, die hän jo das im Bluet,
doch ebbis kennt's verhindere, das macht ys grossi Mieh –
wenn me die scho bald im Kindsgi zu Schwobe wott erzieh…
© Fäldschnäggli `08

Jä, Sie, do bym Wärgghof het’s e neys Fahrzyyg gäh,
das isch so glai, me kennti’s fascht in Hoosesagg näh,
s’hogge denn no die zwai gröschte din, s’seht us wie wenn sie schmuuse,
und wenn dr einti Luft holt, gheit dr ander äne use…
© Fäldschnäggli `08

The Ring of Opposition.....
(Melodie vo "Ring of Fire")

Jä, mir syn - geg "biirewaich",
mir syn au geg dr Morgestraich!
Jä, mir syn - gege's Schpugge,
mir syn au gege Gugge!
Jä, mir syn - gege Gschängg,
mir syn au geg Schnitzelbängg!
Jä, mir syn - geg d'Miss Schweiz,
mir syn au geg die Beiz!
Jä, mir syn - geg Halligalli,
mir syn au geg Eych alli!
Und jetzt, jä, jetzt do kunnt’s:
mir syn au gege uns!
…mir syn drgege, Ihr wärdet das scho gseh-e,
…mir syn geg alles und no bizli me-e,
…mir syn vo dr SVP-e, vo dr SVP!
© Fäldschnäggli `08

Jä, Du kriegsch vo uns e Punggt und Du dert hinde kriegsch grad zwai,
und Du dert mit em Gsicht kriegsch drei fyr Di elai,
und Ihr dert am Tisch kennet au no zwai Pynggt ha,
alli kriege Pynggt, es kunnt jeden emol dra,
nai, mir syn kai Schüüry und au kai Quiz-Show-Dante –
mir schbiile EHC und syn Punggtelieferante…
© Fäldschnäggli `08

Jä, unsri Gruppekonkurränte an dr EYRO 08,
hän, wenn sy denn do by uns syn, scho e langs Raisli gmacht,
d'Portugiese und d'Tscheche wärde wyt-här miesse koh –
nur d'Tyrgge mien nit koh, die syn sowieso scho do…
© Fäldschnäggli `08

Jä, unseri Gigi Oeri, die isch scheen und die isch cool,
und zwyschedure gumpt sy au mol mit de Schbieler schnäll in Pool,
sy isch au im beschte Alter, nymme z'jung und immer brun –
mir wurde sy no seh als Masseuse in Thun…
© Fäldschnäggli `08

Jä, in dr Schwiz wird gschdraiggt und zwor uf de Baustelle,
d'Schwobe schdraigge au, lägg, syn das schlaui Gselle,
die schdraigge nämmlig by dr Bahn, das macht ys schampar froh –
…hejo so kenne d'Schwobe nymm uf Basel abekoh…
© Fäldschnäggli `08
1

Jä, nit mit Schoofdarm, nit mit Geissdarm, nit mit Rossdarm, nit mit Saudarm,
nit mit Kuehdarm, nit mit Hunddarm, nit mit Katzdarm, nit mit Muusdarm,
nit mit Fischdarm, nit mit Gansdarm, sondern nur mit Rinderdarm,
vomene Rindli us Brasilie vonere Rinderfarm,
kriegsch e rächte Glepfer ane, wo sich wirgglig richtig biegt –
und aim bym Breetle uf em Grill nit um d'Ohre ummefliegt…
© Fäldschnäggli `08

Jäjä, die Scheefli.....
(Melodie vo "10 kleine Negerlein")

Alli Scheefli uf däm Helge bilde e Härde,
will alli Scheefli uf dr Ärde Härde wänn wärde…

Jä, das grosse Scheefli do, het allgemain rächt Mieh,
ihm isch das Joor d’Fasnacht aifach e biz z’frieh…

Jä, das glaine Scheefli do, stoht e biz im Schilf,
sy Broblem isch sy Hobby, will das isch Stärbehilf…

Jä, das grosse Scheefli do, mit de rote Lippe,
het doch sicher illegal im Red Rose welle strippe…

Jä, das glaine Scheefli do, mit de grosse Dinger,
wigglet näb em Muri au dr Boris umme Finger…

Jä, das grosse Scheefli do, het s’Fäll miesse loh,
di fiisi Basler Schdriggedde het’s als Goschdym gno…

Jä, das glaine Scheefli mit em Glämmerli am Zingge,
kunnt grad vo Neapel, dorum duet's au mächtig schdingge…

Jä, das grosse Scheefli do, mit dr digge Wulle,
versteggt sich doch ganz offesichtlig vor de Basler Bulle…

Jä, das glaine Scheefli do, duet gärn anderi schloh,
s’kunnt halt vom Balkan, dert macht me das eso…

Jä das grosse Scheefli do, isch ainsam und elai,
an dr Maischderfyyr vom FCZ drum goht's au wiider hai…

Jä, das glaine Scheefli do, het e Fuffzgernoote gha,
und het drmit e Villa kauft in Amerika…

Jä, das grosse Scheefli do, het sy Darm verschänggt,
als Leesig fyrs Glepfer-Hut-Problem het äs sich dänggt…

Jä, das glaine Scheefli, säll isch s’Jyngschte do,
s’het’s schyns bym FC Thun e jede scho mol gno…

D’Helge het gmolt d’ Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!