Bängg 2007

Schnitzelbängg 2007

Jä, wenn ain in synere Nase bohrt und ganz fescht muess niesse,
denn ka’s scho mol sy, dass dä e Dränli duet vergiesse,
wenn ain zem Schiffe dr Ryssel in e Ärdloch ine hebt,
denn ka’s scho mol sy, dass in Basel d’Ärde bebt…
© Fäldschnäggli `07

Jä, Bumms-Knacks-Klirr, Knirsch-Boing-Brätsch,
Knuff-Klemm-Däng, Klatsch-Ratsch-Quätsch,
Bing-Bräch-Puff, Zisch-Dong-Dätsch,
Schmeiss-Hau-Stampf, Gingg-Kick-Pflätsch,
…mir spiele do nit uf e Boxkampf z’ Basel a:
Nai, unsri Buebe hän e Fuessballmätschli gha…
© Fäldschnäggli `07

Jä, so e Polarium, das isch kai Planetarium,
und au kai Vivarium und sicher kai Solarium,
es het nyt mit Pole z'due und au nyt mit Polle,
aber s'git jo kains und drum spielt das au kai Rolle…
© Fäldschnäggli `07

Jä, ............................................................
................................................................
................................................................
................................................................
worum mir nit singe, das miend ihr verstoh –
mir syn dr Swissair-Verwaltigsrot inkognito…
© Fäldschnäggli `07

Jä, an dr Eyro 08 will me kai Alggohol usschängge,
was nur dien sich d'Organisatore drby dängge,
will nur alggoholisiert, kennt me's richtig gniesse –
wenn d'Schwizer denn nomol alli Penalty verschiesse…
© Fäldschnäggli `07

Jä, „Oberwill suuber syy“ hän ihr scho ghert drvo,
s’wird gschrubbt, gfägt und butzt, kai Stäubli ligge loh,
d’Konsequänz vo däm, mir legge's uf e Tisch:
Dr Mohler muess verschwinde, will är nit suuber isch…
© Fäldschnäggli `07

Jä, fyr e Experimänt hän mir dr Beegg entfiehrt,
„Läck hätt de brännt und de Chopf isch äxplodiert“,
s’Ergäbnis vo däm Tescht wänn mir Eych nit vorenthalte:
E normale Zircher vo dr Stroos zeigt s’glyche Brandverhalte…
© Fäldschnäggli `07

Jä, mir syn im Internet uf Partnersuechi gange,
gfunde hän mir nyt, aber riesig isch's Verlange,
wysset ihr's vilicht, wo git's di beschte Schnitte?
Kasch jo jetzt nymme s'111 um Uskunft bitte…
© Fäldschnäggli `07

Jä, unseri Nase syn belaidigt wäg däm stränge Duft,
aidytig liggt dr Gschdangg vo Fisch in dr Luft,
au do inne schmeggt's nach Fisch, es macht uns sehr bedroffe:
Hey HÖSCH! Du, dert hinte, hesch dr Hoselade offe…!
© Fäldschnäggli `07

Jä, lut Statistik isch’s eso, mir hän das priefe loh,
wenn wottsch in Gnuss vo de Eyromillions ko,
muesch schampar vyl Glygg ha, d’Chance isch sehr glai,
fyr d’Oschtmilliarde längt’s, bisch im Oschte dehai…
© Fäldschnäggli `07

Jä, stiegsch am Morge voll verpennt in e Drämmli y,
muesch e Gratis-Zytig ha, will suscht bisch nit drby,
mir begriffe's nit, worum mache die das numme?
s'brucht doch nit sovyl Papier ums Sudoku umme…
© Fäldschnäggli `07

Jä, zerscht emol ganz unte, dur di grossi Tyre,
denne grad um d'Kurve, d'Stäge uf und bizli fyre,
nochhär goht's nach linggs und e biz gradus,
hey do syn mir doch scho gsi, mir kemme nymme drus,
wieder e biz zrugg und nach rächts denn syn mir dert
und hän grad dr letschti Satz vom Film im Kiechli gheert…
© Fäldschnäggli `07

Jä, die Bängg hän mir schbeziell fyr eych do inne reserviert,
mir hän Pointe serviert und ihr händ Applaus spendiert,
ihr sind aifach super, fyr das sage mir eych Dangg –
s'beschte Publikum basst halt perfäggt zem beschte Bangg!
© Fäldschnäggli `07

Jäjä, dr FCB.....
(Melodie vo "Mein kleiner grüner Kaktus")

Dr FCB im Dief
So ainiges lauft schief
Hollari, hollari, hollarooo
Mm-bah, mm-bah, mm-bah, mm-bah,

Wieso das eso isch
Mir legge's uf e Tisch
Hollari, hollari, hollarooo
Mm-bah, mm-bah, mm-bah, mm-bah (2x),

Dr Sterjovski Millä
Dä brucht scho lang e Brillä
Hollari, hollari, hollarooo
Mm-bah, mm-bah, mm-bah, mm-bah,

Und geg dr Zanni Reto
legge mir y e Veto
Hollari, hollari, hollarooo
Mm-bah, mm-bah, mm-bah, mm-bah,

Refrain:
Und au bym Chrigel Gross
Isch nymme sehr vyl los
Wär git ihm ändlig sy verdiente Gnadestoss....?

Dr Kampfsushi Nakata
Trifft hegschtens mol an d’Latta
Hollari, hollari, hollarooo
Mm-bah, mm-bah, mm-bah, mm-bah,

Dr Babbe Malik Ba
Hett au e Kappe a
Hollari, hollari, hollarooo
Mm-bah, mm-bah, mm-bah, mm-bah,

Und dr Costanzo Franco
sufft z'vyl Martini Bianco
Hollari, hollari, hollarooo
Mm-bah, mm-bah, mm-bah, mm-bah,

Und dr Scotti Chippie
Kifft wie e alte Hippie
Hollari, hollari, hollarooo
Mm-bah, mm-bah, mm-bah, mm-bah,

Refrain:
Jä liebe FCB
es isch eso per sé:
Bald goht's Dir wie dym Stadtkolleg em EHC

Dr Eduardo ka nit laufe
Drum sott me dä verkaufe
Hollari, hollari, hollarooo
Mm-bah, mm-bah, mm-bah, mm-bah,

Und dr Ruedi Zbinde
Ka kaini Guete finde
Hollari, hollari, hollarooo
Mm-bah, mm-bah, mm-bah, mm-bah,

Dr Majs-torovic Danni
Isch glych schlächt wie dr Zanni
Hollari, hollari, hollarooo
Mm-bah, mm-bah, mm-bah, mm-bah,

Refrain:
Do wär jo no dr Petric
Dr Dzombic und dr Ergic
Dr Rakitic und Smilianic, jä ic ic ic

Und dr Delron Buckley
Isch nur e dumme Gwaggli
Hollari, hollari, hollarooo
Mm-bah, mm-bah, mm-bah, mm-bah,

Und vo dr Gygi Oeri
Do sait me, dass sy stoeri
Hollari, hollari, hollarooo
Mm-bah, mm-bah, mm-bah, mm-bah,

Und dr Josef Zindel
Ghert au no zu däm Gsindel
Hollari, hollari, hollarooo
Mm-bah, mm-bah, mm-bah, mm-bah,

D’Helge het gmolt d’ Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!