Schnitzelbängg 2024
doch e gueti Pointe wott ys aifach nit glinge,
mir mien konstatiere und zwor ghaue oder gstoche -
by däm Sujet het‘s fir uns aifach zwenig Flaisch am Gnoche…
© Fäldschnäggli '24
dert wärde mir ganz sicher au e Match go bschaue,
doch wäg de scheene Fraue gehn mir sicher nit –
nai, will‘s denn im Joggeli mol guete Fuessball git…
© Fäldschnäggli '24
und hän mit so Fett-wäg-Spritze, s‘Fett wäg welle spritze,
d‘Ränze sin no do, doch d’Genidaalie am Verwääse –
villicht hätte mir sotte zerscht d’Gebruuchsawiisig lääse…
© Fäldschnäggli '24
kasch Du Di nit benäh und bisch au nit ganz dicht,
bisch Du nit nur e biz, sondern ganz inkompetänt –
wirdsch allewyyl z’Amerika au zwai Mol Bresidänt…
© Fäldschnäggli '24
denn fallt die Ukraine und dr Russ zieht sicher wyter,
sott är sogar no wyter als uf Pole welle goh –
denn simmer vilicht doch um d’Schwoobe mol no froh…
© Fäldschnäggli '24
das Fescht fir d‘Eva Herzog und dä Baselbieter do,
bim Jans isch‘s no vil dyyrer doch dr Uffschrey isch nit gross –
me muess das schliesslig fyyre, will ihn sin mir jetz los…
© Fäldschnäggli '24
Jä, dä neui Gmeinibau, das isch e Palascht,
het 20 Millione koschtet – oder ämmel fascht,
nur dr Schmassmaa gsehsch nit oft, in sym neue Schlössli –
dä isch meischtens näbedra und rytet uf sym Rössli…
© Fäldschnäggli '24
es handlet sich bi sälle halt um läseschwachi Wääse,
so e Job go sueche, das isch doch e Mischt –
usser suechsch e Job bi dr BaZ als Journalischt…
© Fäldschnäggli '24
das Fyyrwärgg und die Böller, find ich dr greeschti Mischt,
letschti het’s uf dr Drey Roose glepft mit ganz vil Gschrey –
doch ha nyt miesse mache, s’isch jo nur e Schiesserei…
© Fäldschnäggli '24
das emol go bschaue, mir Eych empfähle däte,
«Dä Vogel, wo no fählt», sait ys dr Wärter Meier –
«graist no yber dr CS - es isch dr Plaitegaier»…
© Fäldschnäggli '24
Glaider, Strom und Haizig – Ferie kasch vergässe,
U-Abo, Benzin, nai s’isch nit zem Spasse –
will s’Dobblet, wo no iibrig blybt, will denn d’Granggekasse…
© Fäldschnäggli '24
kumuliert und grundet – 70 dausig Schöbbe,
mir dien bilanziere, nomol rächne und denn runde –
10 dausig sin no straff - die andre hänge unde…
© Fäldschnäggli '24
dr Schiri git’em Rot – stegged sälle in e Zälle,
nai, so macht’s kai Spass – nai, so duet’s ys stingge –
wo kemme mir denn ane, wenn nimm darfsch Ziircher gingge…
© Fäldschnäggli '24
Jä, mir sin Gourmets – hän usgeprägti Gäume,
s’muess exklusiv und trendy sy – das bringt ys zem Träume,
wo’s so Gaumefreude git, mir verrote’s Euch ganz still –
göhnd emol in Schwane, dört git’s Wysswürscht grad vom Grill…
© Fäldschnäggli '24
in Schaare dien si do us dr Kirche usträtte,
wo selle denn die Kinder, nai s‘isch nit zem Lache –
die erschte sexuelle Erfahrige jetz mache…
© Fäldschnäggli '24
(Melodie vom Mani Matter - Dr Wecker)
Jä, mir sin im Gundeli zem Znacht in d’Wanderrueh,
dert git’s gueti Cordon-Bleu und guete Wyy drzue,
drum hämmer fir e Haiwäg denn dr ÖV miesse näh,
aber dass mir ÖV fahre, duet’s bi uns nur sälte gäh…
Mir froge denn dr Baizer, wo die näggschti Haltstell wär,
sie isch jetz wyter vorne, aber numme temporär,
do stoht jo au scho s’Drämmli zem Abfahre barat,
doch mir hän kai Billié, wo isch dr Automat?
Wo mir’en denn gfunde hän, voll Syyri, s’macht ys ranzig,
e Fahrt ins glaine Basel koschtet ys 4 Frangge zwanzig,
mir styyge-n-y ins Drämmli und mir kemme nimme drus –
sitzt dr Singvogel näbe-n-ys und luegt zem Fänschter us…
Byybb!
Do isch d’Laitstell vo dr BVB mitere Mitdailig an unseri Fahrgescht:
Bitte styyget us, das Dramm fahrt wieder zrugg,
mir derfe nämmlig nimm yber d’Margrethebrugg!
Statt im Drämmli inne stehn mir 4 scho wieder duss,
und als Ersatz fir s’Drämmli - käm jetz schyns sone Bus,
doch dä Bus kunnt nit, au nit nach ere Stund,
dr Chauffeur, dä sig grangg, git me a als Grund,
do hämmer e Idee, so kennt‘s glabbe, jedi Wett,
und styyge zu viert uf e Eleggtro-Drottinett,
doch stoosse mir mit däm zimmlig schnäll an unsri Gränze,
bim Drämmliglais am Bahnhof haut’s ys voll uf unsri Ränze,
jetz nämme mir dr 8er, besser gsait dr Busersatz,
doch dr Busersatz schafft’s nit mol bis zem Aescheblatz,
was genau s’Broblem isch, das hän mir nit gseh –
mit Sicherhait isch’s nit e Maischterfyyr vom FCB…
Byybb!
Do isch d’Laitstell vo dr BVB mitere Mitdailig an unseri Fahrgescht:
Dr Bus ka nimme wyter wäg ere Demonstration,
d’Demonstrante sin nit zfriide mit dr ÖV-Situation!
Statt dass mir dien fahre, mien mir jetz wieder laufe,
und will’s abgloffe isch, e ney Billié go kaufe,
jetz styyge mir in 3er, doch das bringt’s nit gross,
will s’gläbbt e Klimaglääber ufem Glais statt uf dr Strooss,
aimol me isch nyt mit fahre, will mir stehn scho wieder duss,
und laufe zrugg zem Aescheblatz, dert stoht no unsre Bus,
mir styyge wieder y, will d’Demonstrante syn jetz wäg,
aber glych kunnt dr Ersatz vom Ersatzbus nit vom Flägg,
kunnsch aifach niene ane, so langsam wird’s extrem –
jetz sig e Spontan-Baustell unser ney Broblem…
Byybb!
Do isch d’Laitstell vo dr BVB mitere Mitdailig an unseri Fahrgescht:
Drmit mir vorwärts kemme, mien mir e glaine Umwäg fahre,
doch d’Details zu dr neye Route dien mir Eych erspare…
mir styyge usem Bus us, d’Diire hinter ys goht zue,
und stehn wieder im Gundeli vor dr Wanderrueh,
nach stundelanger Irrfahrt simmer also wieder do –
mir wän doch numme haim - und hän e Taxi gno…
© Fäldschnäggli '24
D'Helge het gmolt d' Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!