Schnitzelbängg 2016


Jä, dä Kaffi mitem Koks isch dr neyschti Migros-Renner
dä weggt, s’liggt uf dr Hand, au dr allergreeschti Penner
jetzt hämmer dr Bewyys, stichhaltig und guet
dass dr Johann Schneider-Amann nur im Coop ykaufe duet
© Fäldschnäggli '16

Jä, wenn als Musiker mol Gäld bruchsch, gohsch in d’Freie biz go singe
wenn als Bättler arbetslos wirsch, duet d’Sozialhilf grad yspringe
wenn Buur bisch, holsch bim Bund Subventione s’isch no glatt
und wenn s’Baselbiet bisch, holsch es aifach bi dr Stadt
© Fäldschnäggli '16

Jä, vill zweenig Räge, fir d’Pflanzewält e Qual
dr Rhy nur no e Rinnsal, am Ufer liggt e Aal
wo dr Wessels das so gseh het, het är ghylt e jedi Wett
dä waiss jo, wie sich‘s afyhlt – wenn me kai Diefgang het
© Fäldschnäggli '16

Jä, e alte Alte goht und es kunnt e alte Neue
statt ab em Alte kasch Di ab em neue Alte freue
s’Tolli do dra isch - s’blybt au neu alles bim Alte
drum hättsch doch statt de Neue - au die Alte kenne bhalte
© Fäldschnäggli '16

Numme in Oberwil und mit Sproochfähler gsunge:

Jä, ich cha nid sehr guet läse und mit schryybe hani Mieh
bi Zwölf Joor in d‘ Primar, bis sie mi hän loh wyterzieh
cha’s au nid mit dr Schrybmaschine und däm ganze Mischt
aber biesse chani subber– bi dr Dorfbolizischt!
© Fäldschnäggli '16

Jä, mir wänn jetzt au do z’Basel s’Willkomme kultiviere
und jede Schwoob bi uns sofort beschtens integriere
will, jä, s‘ kennt jo sy, dass es au nätti Schwoobe git...
…ah nai...
© Fäldschnäggli '16

Jä, letscht Summer hämmer s‘ Liibli in d‘ Hose yhne gschtopft
und glych isch uns dr Schwaiss bis in d‘Fiidlespalte dropft
fir uns isch das vyyl z‘haiss – mir sin jo nit in Eritrea…
…ah doch…
© Fäldschnäggli '16

Jä, im letschte Käller, hän mir folgendes gmacht
mir hän de Lyt biz Gäld gäh, sunscht hätt jo kaine glacht
do verhaftet is e Schugger und maint „Das liggt nit din!“
und alles nur will mir d‘ FIFA – Fäldschnäggli sin
© Fäldschnäggli '16

Jä, AAAAAAAAAAAHHHHHHHHHHHHHHHHHHHHH…!!!
© Fäldschnäggli '16

Jä, zem z‘ Morge Kaffi-Lutz, das paitscht so richtig uf
vorem Mittag no e Jointli – nur so sin mir guet druf
nach‘me Bierfass schbigge mir uns no biz Extasy in Rache
denn pagge mer unser Sturmgwehr und gehn s‘ WEF go bewache
© Fäldschnäggli '16

Jä, mir sin grad am Sammle und bringe‘s Eych uf Bärn
Milliarde in Finanzusglych, die zahle mir Eych gärn
wenn Ihr wänd, baue mir Eych au e neyi Aarebrugg
aber bitte, bitte nämmed doch dä Steffen wieder zrugg!
© Fäldschnäggli '16

Jä, Dobbelpunggt Strich Glammere zue, Dobbelpunggt Strich D
Strichpunggt Strich Glammere zue, Dobbelpunggt Strich P
Dobbelpunggt Strich Glammere uf, mir mien jetzt laider goh
und verlehn Eych jetzt do, miteme Dobbelpunggt Strich O…
© Fäldschnäggli '16

Isch uns egaaal...
(Melodie vom Kazim Akboga - Is mir egal)

Isch uns egaaal, egaaal, isch uns egaaal, egaaal

Dr Morin goht – stellt sich nimme zer Waaahl
doch was dä macht – isch uns doch egaaal

Dr Brutschin lauft in e Drämmli frontaaal
s’Drämmli fahrt wyter, will ihm isch’s egaal

D’Sibel Arslan wird Nationaaal
de Wähler isch schyns - alles egaaal

Mit dr EU verhandle mir bilateraaal
villicht au nit – isch uns doch egaaal

Sin Edelwisshemmli rächtsradikaaal?
eme rächte Schwizer isch das doch egaaal

VW het e Abgasskandaaal
mir fahre Mercedes – drum isch‘s uns egaaal

Dinniere in White –ganz feudaaal
mir gehn in Schwarz – will uns isch’s egaaal

Dr Knie derf bald nimm ins Roosedaaal
de Elifante – isch das doch egaaal

D‘Roche baut no heecher – fir s‘ Quartier brutaaal
mir wohne jo nid deert – drum isch’s uns egaaal

S‘ SRF mues schbaare – ufem ganze Kanaaal
gsehsch eh kaini Schöppe – drum isch’s uns egaaal

Giacobbo-Müller – dr Digg und dr Schmaaal
die lehn sich bestatte – aber uns isch’s egaaal

S‘ Tennis versinggt – im Wettskandaaal
mir luege Fuessball – drum isch’s uns egaaal

Dr FCZ im Jammerdaaal
dert gheere sie hi, die sin uns egaaal

Au YB und GC – sin uns doch egaaal
am Schluss stemmt dr FCB dr Pokaaal

Pokaaal, Pokaaal, Cup isch egaaal, egaaal

Ihr findet sicher dä Bangg nit normaaal
do gänn mir eych rächt – aber uns isch‘s egaaal
© Fäldschnäggli '16

 

D’Helge het gmolt d’ Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

Aktuell sind 4 Gäste und keine Mitglieder online